Ministri i Punëve të Brendshme, Agim Veliu ka bërë deklarimin e pasurisë për Agjencionin Kundër Korrupsionit (AKK).
Veliu ka bërë një deklarim të mangët sa i përket pasurisë së tij, ani pse i është përgjigjur ftesës së AKK-së.
Tokë e punuar prej 73.33 m2, shtëpi me oborr, banesë 76 m2 të blerë në vitin 2008, si dhe 10 ari truall të blerë në vitin 2015, për secilën nga këto Veliu nuk ka treguar vlerën në euro.
Tutje, Veliu nuk ka deklaruar asnjë veturë në pronësi të tij.
Janë gati rreth 17 mijë euro, që Veliu i ka deklaruar si para të gatshme të mbajtura në institucione financiare.
Ndërkohë që, për blerje të truallit ai ka detyrime financiare në vlerë prej 25 mijë euro.
