Rekrutët e rinj të Forcës së Sigurisë së Kosovës do të japin sot betimin në një ceremoni që do të mbahet në Kazermën “Adem Jashari” në Prishtinë.
Ceremonia është paraparë të nisë në orën 15:00, ndërsa pjesëmarrës pritet të jenë përfaqësues të lartë të institucioneve shtetërore, si dhe oficerë e nënoficerë të Ministrisë së Mbrojtjes dhe FSK-së.
Betimi shënon një moment të rëndësishëm për rekrutët e rinj, të cilët përmes këtij akti zotohen për përmbushjen e detyrave dhe përgjegjësive në shërbim të vendit.