Barcelona e nis sezonin e ri në ligë kundër Rayo Vallecanos më 13 gusht, por ende nuk ka regjistruar asnjë nga nënshkrimet e tyre të verës përpara hapjes së sezonit.
Gjigantët katalanas kanë shpenzuar shumë përpara sezonit të ri, pavarësisht se kanë shpallur borxhe prej 1.35 miliardë eurosh në 2021.
Barca ka financuar transferimet duke shitur një përqindje të të drejtave televizive të klubit dhe një 25 për qind të aksioneve në Barca Studios, por do të jetë në gjendje të regjistrojë nënshkrimet e tyre të reja vetëm nëse mund të përmbushin kriteret e Fair Play-it financiar të La Ligës.
Cilët lojtarë pret që t’i regjistron Barcelona?
Ka qenë një afat kalimtar i ngarkuar me transferime në “Camp Nou” me katalanasit që shpenzuan shumë për sulmuesin Robert Lewandowski, i cili ka ardhur nga Bayern Munich për një tarifë prej 50 milionë euro.
Anësori brazilian Raphinha i është bashkuar gjithashtu nga Leeds United për një shifër prej 59 milion euro ndërsa qendërmbrojtësi i Sevillas Jules Kounde është bërë nënshkrimi i fundit i klubit në një marrëveshje prej 60 milion euro.
Barcelona po pret gjithashtu të regjistrojë Andreas Christensen dhe Franck Kessie, të cilët gjithashtu janë transferuar në “Camp Nou” këtë verë si lojtarë të lirë.
Pse Barcelona nuk mund të regjistrojë transferimet e reja?
Barcelona ka përdorur ‘leva ekonomike’ për të mbledhur fonde për shpenzimet e saj verore.
Katalanasit shitën 10 për qind të të drejtave të tyre televizive në Liga tek firma globale e investimeve Sixth Street Partners dhe më pas shitën 15 për qind të tjera për të sjellë 315 milionë euro të tjera.
Klubi gjithashtu ka konfirmuar shitjen e 25 për qind të Barca Studios për 100 milionë euro për socios.com, por do të duhet të aktivizojë një levë të katërt për të regjistruar të gjitha nënshkrimet e tyre të reja.
Barca mund të shesë 24.5% të mbetur të Barca Studios që do të sillte 100 milionë euro të tjera.
A do të luajnë nënshkrimet e reja të Barcelonës në ndeshjen e tyre të parë kundër Rayo Vallecano?
Ora po ec nëse Barcelona do të ketë në dispozicion nënshkrimet e saj të reja ndaj Rayo Vallecanos, megjithëse presidenti Joan Laporta është i bindur se ata do të gjejnë një mënyrë për të vënë në dispozicion lojtarët e tyre të rinj.
“Ne e kemi bërë mirë punën dhe besojmë se i plotësojmë të gjitha kërkesat. Dokumentacioni është dorëzuar i gjithë dhe presim përgjigjen nga La Liga”, tha ai.
“Mund të ketë disa pabarazi, por ne e kuptojmë se nuk do të ketë probleme sepse ne kemi respektuar gjithçka dhe lojtarët do të mund të regjistrohen. Nëse jo, ne jemi të përgatitur të aplikojmë levën e katërt dhe do ta bëjmë këtë”.