36 qytetarë të tjerë kanë rezultuar pozitivë me koronavirus nga 937 testime të kryera gjatë 24 orëve të fundit në Shqipëri.
20 raste të reja janë konfirmuar në Tiranë, 4 në Roskovec, nga 2 qytetarë në Fier, Lushnjë, nga 1 qytetar në Kolonjë, Korçë, Tepelenë, Sarandë, Mallakastër, Kavajë, Kurbin, Shkodër.
Sipas Ministrisë së Shëndetësisë, janë 250 qytetarë aktivë me Covid 19 në gjithë vendin.
Aktualisht në spitalin COVID 3 po marrin trajtim 4 pacientë, ndërkohë që në 24 orët e fundit nuk ka asnjë humbje jete me Sars-Cov2.
Janë shëruar 25 qytetarë gjatë 24 orëve të fundit, duke e çuar numrin e të shëruarve në 272,091 që nga fillimi i epidemisë.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 12 vjeç, mund të vaksinohet në qendrat shëndetësore.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anti-Covid, sipas rekomandimit të mjekut të familjes.