Agjencia e Kombeve të Bashkuara për Refugjatët (UNHCR) ka parashikuar se 4 milionë njerëz mund të largohen nga Ukraina drejt vendeve të tjera, nëse situata përshkallëzohet më tej.
Po ashtu, Unicef ka parashikuar rreth 5 milionë refugjatë, teksa tha se po forcon kapacitetet për të ndihmuar refugjatët ukrainas në Moldavi, Rumani dhe Poloni, pa përjashtuar Hungarinë dhe Sllovakinë.
Zyra e Komisionerit të Lartë të Kombeve të Bashkuara për të Drejtat e Njeriut denoncoi arrestimin e rreth 1,800 protestuesve kundër luftës në Rusi dhe bëri thirrje për lirimin e atyre që mbahen në mënyrë të paligjshme.