Seksi mund të jetë i mrekullueshëm, por a e dini se përmirësohet me kalimin e kohës?
Sipas një studimi, më shumë se gjysma e grave të moshës mbi 50 vjeç pohojnë se një dashuri është shumë më e fortë kur është më e vjetër, shkruan Mirror. Në fakt, hulumtimi, i kryer nga kompania e shëndetit të grave Organon, zbuloi se 53 është mosha më e mirë për të bërë seks.
Gratë gjithashtu këshillojnë femrat më të reja të vlerësojnë gjërat e vogla, të duan veten dhe të shkojnë gjithmonë me “instinktin e tyre”.
Gjatë studimit të 1 mijë e 500 grave, rreth 27 përqind thanë se humbja e dëshirës seksuale gjatë menopauzës është thjesht një mit.
Dr.Paula Briggs, gjinekologe, ishte e kënaqur me rezultatet. Ajo shtoi: “Menopauza mund të jetë një gjë pozitive për gratë. Megjithatë, për shumë njerëz është diçka me të cilën përballen me frikë, duke mos ditur se çfarë do të sjellë e ardhmja”.
Sipas mjekëve, menopauza zakonisht ndodh midis moshës 45 dhe 55 vjeç. Kjo ndodh kur nivelet e estrogjenit të një gruaje bien pasi besohet se mosha mesatare në Angli është rreth 51.
Por rreth 1 në 100 gra përjetojnë menopauzën, e njohur zakonisht si menopauza e parakohshme, para moshës 40 vjeç. Shumica e grave do të përjetojnë simptoma të menopauzës të cilat mund të jenë mjaft të rënda.
Simptomat e zakonshme përfshijnë nxehtësi, djersitjet gjatë natës, thatësinë vaginale dhe parehati gjatë seksit. Disa madje mund të përjetojnë vështirësi kur flenë, humor të ulët ankthi dhe një dëshirë seksuale të reduktuar