Shefi i Grupit Parlamentar të AAK-së, Daut Haraidnaj, ka thënë se do t’i refuzonte ndihmat e Serbisë sikur edhe t’ia ngjallnin vëllezërit e vrarë në kohën e luftës.
Ky reagimi i deputetit të AAK-së erdhi pasi Qeveria e shkarkuar pranoi nga Serbia një mijë teste për koronavirus.
“Edhe me mi ngjallë vëllezërit s’ja kisha pranu ndihmën Serbisë. Vrasje e masakra që ndodhën ndër vite, s’guxojmë t’i kalojmë”, ka shkruar Haradinaj, në një reagim në profilin e tij, në rrjetin social Facebooj.
Ai ka thënë se po i vjen inati se si Mali i Zi kishte refuzuar ndihmat serbe kurse Kosova i ka pranuar.
“Inati po m’vjen që malazezët refuzuan e Kosova e pranon ndihmën e gjakatarëve!”, ka shkruar Haradinaj.