Ministria e Shëndetësisë, ka njoftuar së është shënuar vdekja e 12 nga koronavirusi në Kosovës. Pacienti është nga Komuna e Ferizajt.
“Klinika Infektive e QKUK-së njofton se sot më 17. 04. 2020 ka përfunduar me vdekje pacienti S.M. nga Komuna e Ferizajt. Pacienti është hospitalizuar në Klinikën Infektive me datën 12.04.2020, i referuar nga Qendra e Mjekësisë Familjare –Ferizaj”, ka njoftuar Ministria e Shëndetësisë.
Sipas njoftimit, pacienti ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes COVID-19 ka pasur edhe sëmundje të tjera shoqëruese.
Ndryshe, kjo është vdekje e dymbëdhjetë nga Virusi Korona Covid-19 në Kosovë.