Asnjë prej përfaqësueseve që kanë mbetur në “Euro 2020” nuk ka marrë pjesë në gjysmëfinale të ngjarjes më shumë se Italia.
Italia ka “prekur” gjysmëfinalen e Evropianit katër herë deri më tani, sa edhe kundërshtarja e saj në këtë fazë garash, Spanja. Në përgjithësi rezultatet e saj kanë qenë të favorshme. Sajti zyrtar i UEFA-s, ka paraqitur gjysmëfinalet e kaluara të Italisë.
Ndeshja Itali – Spanjë luhet të martën nga ora 21:00 në “Wembley” të Londrës.
1968: Italia – BRSS 0:0 (Italia fitoi me hedhje të monedhës)
Piero Prati iu afrua golit për azurët në kohën e rregullt, ndërsa Angelo Domenghini qëlloi shtyllën në vazhdime. Ndërkohë Dino Zoff priti goditjen e Albert Shesternev dhe ndali dy gjuajtje të Aleksandr Lenev, në ndeshjen në Napoli. Nuk kishte penallti atëherë kështu që vendi në finale u përcaktua me hedhje të monedhës.
“Arbitri nxori një monedhë të vjetër dhe unë zgjodha pikë”, kishte treguar kapiteni i Italisë, Giacinto Facchettti. “Unë nisa festën ndërkohë që në stadium ishin ende 70 mijë shikues. Festa ime ishte shenjë se edhe ata mund të festojnë”.
1988: BRSS – Italia 2:0
Bashkimi Sovjetik qëndroi në mes azurëve dhe finales sërish në Stuttgart. Por këtë herë regjistrohet dështimi i vetëm i italianëve në gjysmëfinale. Oleh Kuznetsov dhe Oleksiy Mykhaylychenko kombinuar për ta përgatitur rastin për Gennadiy Lytvochenko që shënoi golin e parë në minutën e 58-të. Oleh Protasov konkretizoi katër minuta më pas. 23-vjeçari Gianluca Vialli ishte pranë të kthente Italinë në lojë, por ky turne u duk se erdhi pak herët për ekipin e ri të Italisë.
2000: Italia – Holanda 0:0 (3:1 me penallti)
Azurët i fituan katër ndeshjet rrugës për në Amsterdam, por Holanda doli të jetë rivale më e fortë. Frank de Boer dhe Patrick Kluivert humbën penallti në kohën e rregullt, ndërsa Holanda dështoi të thyej Italinë e reduktuar në dhjetë lojtarë, pas përjashtimit të Gianluca Zambrottas në minutën e 34-t.
De Boer dështoi edhe pasi ndeshja shkoi në penallti, ku Francesco Toldo ndali edhe penalltinë e dytë të Paul Bosvelt, për të siguruar vendin e Italisë në finale.
2012: Gjermania – Italia 1:2
Suksesi i vetëm i Italisë në kohën e rregullt në gjysmëfinale ndodhi në Varshavë dhe u dominua nga Mario Balotelli.
Sulmuesi i Italisë ndërtoi mbi krosimin e Antonio Cassanos. Ishte goli i parë i Italisë në gysmëfinale të Evropianëve. Ai shënoi edhe golin e dytë në portën e Manuel Neuerit, pa u kryer pjesa e parë.
Gjermania, që ishte në seri prej 15 fitoreve në ndeshje garuese, u përgjigj me penallti të vonshme të Mesut Oezilit. Për fatin e keq të ekipit të Cesare Prandellit, Italia në finale u përball me një Spanjë shumë të fortë, që fitoi 4:0 në Kiev.