Policia e Kosovës ka dhënë detaje të reja sot lidhur me rastin e rëndë që ndodhi në Rahovec, ku dyshohet se një person u vra, e më pas u dogj nga vëllau i tij për motive tashmë ende të paqarta.
Policia në raportin 24-orësh ka thënë se i dyshuari është arrestuar më datë 9 prill, teksa rasti dyshohet të ketë ndodhur më 11 shkurt
Sipas policisë, i dyshuari ka marrë nga vëllau i tij një sasi të konsiderueshme të parave, nga ku më pas edhe e ka djegur trupin e tij.
Po ashtu, policia në shtëpinë e të dyshuarit ka gjetur para të gatshme 8 mijë euro dhe 35 mijë franga.
“Lidhur me rastin me datën 09.04.2020 është arrestuar i dyshuari mashkull kosovar i cili dyshohet se me datën 11.02.2020 për motive të panjohura kishte vrarë vëllain e tij viktimën mashkull kosovar, të ia ketë marr një sasi të konsiderueshme të parave dhe më pas dyshohet se ka djegë trupin e tij. Viktima nga familjarët e tij me datën 27.02.2020 është raportuar si person i zhdukur. Nga i dyshuari si prova materiale janë sekuestruar dy pistoleta të ndryshme me shtatë fishek, para të gatshme 8.000 (tetëmijë) euro dhe 35.000 (tridhjetë e pesëmijë) franga Zvicerane. I dyshuari pas intervistimit me vendim të prokurorit është dërguar në mbajtje”, thotë njoftimi i Policisë së Kosovës.