Parada e FSK-së përmes fotografive, në përvjetorin e 23-të të Epopesë së UÇK-së

Facebook Tweet

Është mbajtur parada e Forcës së Sigurisë së Kosovës (FSK) në shënimin e 23 vjetorit të Epopesë së Ushtrisë Çlirimtare të Kosovës (UÇK).

Pikërisht më 5 mars bëhen 23 vjet nga rënia e komandantit legjendar, Adem Jasharit dhe familjes.

Sulmi nga forcat serbe që ndodhi më 5, 6 dhe 7 mars të vitit 1998, mori jetën e 55 njerëzve në fshatin Prekaz, 22 prej të cilëve ishin familjarë të ngushtë të Adem Jasharit. Këtij sulmi i mbijetoi vetëm Bashkimi, djali i Rifatit, i cili ia del që mes datës 5-6 mars të largohet nga rrethina dhe arrin t’i shpëtojë sulmit, si dhe Besarta, vajza e Hamzës, e cila pa dhe përjetoi tmerrin derisa vriteshin anëtarët e familjes së saj.

Në 23-vjetorin e rënies heroike të komandantit legjendar Adem Jashari, familjes Jashari, dëshmorëve të kombit si dhe të gjithë të rënëve për liri, Kosova më 5, 6 dhe 7 mars organizon manifestimin gjithë popullor “Epopeja e Ushtrisë Çlirimtare të Kosovës”.

Telegrafi më poshtë ju sjell disa fotografi të realizuara nga fotoreporteri, Ridvan Slivova.