Skuadra e Barcelonës ka shënuar fitore të thellë ndaj Granadas. Mysafirët fituan me rezultat 4-0, përmes Lionel Messit dhe Antoine Griezmannit që shëuan nga dy gola.
Goli i parë u realizua në minutën e 12-të nga Griezmann i cili përfitoi në zonën e rreptësisë pas një aksioni nga bashkëlojtarët.
Tutje, argjentinasi Messi shënoi në minutën e 35-të për 2-0, ndërsa tetë minuta më vonë, realizoi për 3-0, duke e mbyllur pjesën e parë.
Në pjesë të dytë, francezi Griezmann realizoi gol pas një asistimi nga Dembele. Goli i katërt i shënuar në të 63-n, ishte përmbyllës në këtë ndeshje.
Me këtë fitore, Barcelona ndodhet në pozitën e tretë me 34 pikë ndërsa Granada në të shtatën, me 24 sosh.
Lionel Messi me këto gola është lojtari i parë në historinë e La Ligas që ka shënuar 10 gola në 15 sezone radhazi.