Manchester Unitedi mund ta fitojë Premier Ligën këtë sezon, sipas trajnerit Ole Gunnar Solskjaer.
“Djajtë e Kuq” sot e presin rivalin lokal Manchester Cityn në “Old Trafford” në derbin e kësaj jave në Premier Ligë.
Përkundër që nuk e kishte nisur mirë këtë sezon Unitedi, në rast të fitores së sotme ndaj Cityt atëherë do të mund të afroheshin në vetëm dy pikë larg liderit aktual, Tottenhamit.
Skuadra e Solskjaerit ka shënuar katër fitore radhazi në ligë, me tri prej tyre me përmbysje të rezultatit.
“Në Manchester United gjithmonë duhet të synoni që të fitoni trofe. Sigurisht, siç kanë qenë tri sezonet e fundit, dy ekipe kanë shumë larg nga të tjerët. Por, këtë sezon kam besim se ky ekip po përmirësohet dhe nga janari mund të luftojmë. Në secilën ndeshje hyjmë për të fituar, ndoshta kjo është përgjigja për pyetjen tuaj. Nëse e fitoni secilën ndeshje atëherë përfundoni me një trofe”, ka thënë Solskjaer.