Paris Saint-Germaini (PSG), ka shënuar fitore të thellë në shtëpi ndaj Bashakshehirit, 5-1.
Me këtë rast gjiganti francez ka siguruar kualifikimin tutje në Ligën e Kampionëve si lider në Grupin H me 12 pikë, po aq sa ka edhe Leipzigu në vendin e dytë.
Paraqitje të jashtëzakonshme në këtë takim kishin Neymari e Mbappe që shënuan të gjitha golat për vendasit.
Neymari shënoi tre gola, derisa Mbappe realizoi dy herë.
Golin e vetëm për ekipin mysafir e shënoi Topali.
Bashakshehiri me këtë humbje ka përfunduar në vendin e fundit me vetëm tre pikë, derisa në vendin e tretë në Grupin H ka përfunduar Manchester Unitedi që tani vazhdon garat në Ligën e Evropës.