Një person është plagosur me armë zjarri sot rreth orës 18:30 në rrugën “19 qershori” në Podujevë dhe i njëjti është dërguar për trajtim mjekësor.
Lajmin e kanë bërë të ditur nga Policia e Kosovës, ku kanë njoftuar se kanë nisur hetimet për identifikimin e personit të dyshuar.
“Menjëherë në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare në këtë vend është plagosur 1 person. I njëti është dërguar për trajtim mjekësor. Aktualisht hetuesit policor kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin”, thuhet në përgjigjen e policisë.