Agjenti i Philippe Coutinho i ka thënë TalkSport se braziliani do të mbetet në Barcelonë dhe është pjesë e planeve të trajnerit të ri Ronald Koeman. Coutinho është nënshkrimi rekord i klubit i Barça me 160 milionë euro, por sezonin që shkoi kaloi në huazim në Bayern Munchen.
Sidoqoftë, ai është përsëri në Katalonjë dhe po stërvitet edhe një herë me Barçën.
Agjenti i tij, Kia Joorabchian tha “po” kur u pyet nëse e ardhmja e e klientit të tij është tani me Barca, pavarësisht se kërkohej për një transferim më herët gjatë verës.
“Koeman e thirri atë menjëherë pas fitores në Ligën e Kampionëve me Bayern, ditën tjetër, dhe i tha atij se ai ishte në planet e tij dhe do të donte që ai të kthehej”, tha Joorabchian.
“Ai duhej të kthehej më 7 shtator, por në të vërtetë ai u kthye në fillim të shtatorit sepse nuk donte të humbte vrullin dhe palestrën e tij”.