Kryeministri i Kosovës, Avdullah Hoti, ka folur për temat që do të fliten në takimin e delegacioneve të Kosovës dhe Serbisë në Shtëpinë e Bardhë.
Hoti tha se do të diskutohet për projekte të mëdha infrastrukturore, megjithatë la mundësinë e hapur të diskutohet edhe për tema të tjera.
“Dakordimi për këtë takim ka qenë që të diskutojmë për projekte të mëdha infrastrukturore që integrojnë ekonomitë e dy vendeve”, është shprehur Hoti në t7.
E lidhur me këto projekte, Hoti ka thënë se ka përgatitur një listë me të cilën do të futet në dialog.
“Ne e kemi përgatitur një listë të këtyre projekteve. Për neve është në interes të imponohen të gjitha temat gjatë dialogut”, shtoi Hoti.