Katër persona janë lënduar si pasojë e një vetaksidenti që ka ndodhur në autostradën “Arbën Xhaferi”, drejtimi Lipjan-Prishtinë, raporton Gazeta Stop.
Në aksident ka qenë e përfshirë një kamionetë.
Rastin për Gazetën Sinjali e ka konfirmuar zëdhënësi i Policisë, Bajram Krasniqi.
“Sot, 29.08.2020, rreth orës 17:56, policia është njoftuar për një aksident trafiku (vet-aksident) në autostradën “Arbën Xhaferi”, drejtimi Lipjan-Prishtinë. Në aksident ka qenë e përfshirë një kamionetë. Si pasojë e aksidentit katër persona kanë pësuar lëndime. Personat e lënduar janë dërguar për tretman mjekësor”, ka thënë Krasniqi.
Ai më tej ka njoftuar se me rastin janë duke u marrë njësitet policore të trafikut.
