Nëse Sars-Cov-2 po duket më pak i rrezikshëm për ne, arsyeja mund të jetë se ai po humb disa copa gjatë rrugës. Një pjesë e vogël, por rëndësishme e një proteine ARN e virusit, e cila quhet Nsp1, që ka si detyrë shumë të rëndësishme rregullimin e kopjimit të virusit dhe gjithashtu patogjenitetin e tij. Nëse kjo fshirje e tre aminoacideve, siç quhet humbja e këtyre pjesëve, bëhet e zakonshme, koronavirusi që ndryshoi jetën tonë mund të ketë më shumë vështirësi në riprodhim dhe sulm ndaj organizmit të njeriut. Por duket se në këtë variant të ri që po qarkullon, kjo fshirje e pjesëzës është 1 rast në 100. Pra, nuk është aq e përhapur.
Si u zbulua ky fakt?
Një grup ndërkombëtar hulumtuesish, me në krye Massimo Ciccozzi i Spitalit Universitar Campus Bio-Medico në Romë, zbuloi këtë defailancë të koronavirusit, informon dritare.net. Por gjithashtu shumë nga kolegët e tjerë, Francesca Benedetti, Greg A. Snyder, Marta Giovanetti, Silvia Angeletti, Robert C. Gallo dhe Davide Zella (Instituti i Virologjisë Njerëzore të Universitetit të Maryland (USA) dhe Laboratori Flavivirus i Institutit Oswaldo Cruz i Rio de Janeiro. Studimi u botua në Journal of Translational Medicine.
Çfarë është fshirja? Dhe se është kaq i rëndësishëm ky zbulim?
Arsyeja qëndron pikërisht te fjala fshirje. Deri më tani koronavirusi ka ndryshuar disa proteina të gjenomit të tij viral, por edhe ky mutacion mund të përfshihet. Eliminimi dhe jo mutacioni i disa proteinave nuk ka kthim mbrapa. “Kjo fshirje mund të ndikojë në strukturën e sferës terminale të proteinës, e cila është e rëndësishme për rregullimin e kopjimit të viruseve dhe për efektin negativ në pasqyrimin e gjenit pritës. Zëvendësimi i dy aminoacideve (KS) nga SARS-CoV nsp1 rivendosi pjesën më të madhe të pasqyrimit të alfës interferon në eksperimentet e mëparshme laboratorike.”, shpjegon Davide Zella, i cili koordinoi grupin e studimit. Dhe duke qenë se reagimi i lindur imunitar i trupit tonë varet nga alfa interferoni, kjo fshirje mund të rikthejë reagimin e lindur të sistemit imunitar. Dhe na ndihmon jo vetëm të mbrohemi më shumë, por të luftojmë përsëri.