Motra e Ilir Gjokës, zyrtarit policor të të Gjakovës që e humbi betejën me koronavirusin në moshën 40 vjeçare, ka shkruar fjalë prekëse për vdekjen e vëllait.
Ajo ka thënë se Iliri ishte shtylla dhe krenaria e shtëpisë, ndërsa ka shkruar se nuk e di si do të jetojë pa të.
“I dashur vëllau im, na ike në moshë të re. Na e thave shpirtin bre Ilir Gjoka, ne u rritëm bashkë, perveç që ishim vëlla e motër, ishim shokë dhe ekip i fortë bashkë, nuk di si do jetoj pa prezencën tënde, pa shakatë tuaja, pa këshillat e tua dhe pa forcën dhe mbështetjen e madhe që ma dhe gjithmonë 😭😭
Mungesën tënde nuk e zëvendeson askush o ylli jonë i bukur. Qe shtylla e shpisë, krenaria jonë, i shërbeve atdheut dhe popullit pa e kursyer veten në asnjë moment… qysh bre na tradhtove kështu 😢😢😢😢 kujtimet me ty do të mbesin gjithmonë sirtar i çmuar i zemres time 😭😭😭😭😭😭 “, ka shkruar ajo.
Gazeta Sinjali mbrëmë ka raportuar nga burime të sigurta brenda Klinikës Infektive në QKUK se Ilir Gjoka ka vdekur si pasojë e koronavirusit.
Ai nuk kishte sëmundje tjera shoqëruese. Kështu i ka thënë Sinjalit një i afërm i tij në kushte anonimiteti.
“Jo bre s’ka pasë kurrfarë sëmundje. Mashkull dy metra nuk ta ka pa syri, djalë më të fortë e më trim, e më të fuqishëm… nuk mudem të shkruaj më shumë”, ka deklaruar familjari i tij.