Vështirësia në frymëmarrje dhe humbja e oreksit janë dy aspekte aspak të rehatshme të ftohjes apo gripit.
Bllokimi i hundëve nga sekrecionet mund ta bëjë jetën të vështirë, por kjo ndodh përkohësisht.
Hundët mund të pastrohen nga sekrecionet falë disa kurave natyrale të mira për organizmin.
Simptomat e bllokimit të hundëve
Bllokimi i hundëve shoqërohet me një grumbullim të dendur të sekrecioneve, ënjtje të indeve të hundës dhe dhimbje të sinuseve.
Te të sapolindurit, bllokimi i hundëve mund të zgjasë për një muaj duke vështirësuar ushqyerjen e tyre.
Një prej arsyeve më të zakonshme të bllokimit të hundës është inflamacioni në flegrat e saj.
Kjo mund të ndodhë si pasojë e të ftohurës, gripit apo sinusitit.
Në rastet e këtyre problemeve, situata përmirësohet shpejt por ka raste siç është sinusiti kronik, myku apo alergjitë që tejzgjatin vështirësinë në frymëmarrje.
Kurat natyrale për zhbllokimin e hundëve
Uthulla e mollës
Ekspertët rekomandojnë përzierjen e një luge çaji me uthull molle në një gotë me ujë të vakët.
Kjo tretësirë duhet pirë një ose dy herë në ditë.
Kjo kurë funksionon për shkak të acidit acetik dhe kaliumit që hollojnë sekrecionet dhe luftojnë mikrobet.
Çaji i nenexhikut
Çaji i nenexhikut mund të përgatitet duke zier 8-10 fletë nenexhiku në ujë.
Çaji duhet pirë një deri në dy herë në ditë.
Mentoli tek nenexhiku lufton inflamacionin dhe çliron hundët nga sekrecionet.
Vaji esencial i trumzës
Për këtë kurë, AgroWeb.org ju udhëzon se duhet të zieni ujë në një tenxhere dhe të hidhni 6-7 pika të vajit esencial të trumzës.
Mbulojeni kokën me një peshqir dhe nuhatni avullin e lëshuar nga uji i zier me vajin esencial.
Kjo kurë funksionon sepse përbërësit e vajit luftojnë mikrobet dhe inflamacionin në rrugët e frymëmarrjes.
Të njëjtën kurë mund ta bëni edhe me vajin e rozmarinës i cili ndihmon edhe kundër kollës dhe të ftohurës në përgjithësi.
Ujë me kripë
Uji me kripë mund të hidhet në një shishe spërkatëse për hundët dhe ta përdorni në secilën flegër.
Kjo kurë është efikase në zhbllokimin e hundëve por funksionon edhe kundër alergjive, të ftohurës dhe sinusitit.
Hudhra
Zieni ujin në tenxhere. AgroWeb.org ju udhëzon të hidhni 3-5 thelba të shtypur hudhre dhe mbulojeni kokën me peshqir.
Nuhatni avullin e lëshuar nga hudhra dhe përsëriteni kurën dy herë në ditë. Hudhra është ideale kundër baktereve, mikrobeve dhe inflamacionit. /AgroWeb.org/