Ish-ministri i Infrastrukturës dhe Ambientit, Lumir Abdixhiku ka reaguar pas formimit të qeverisë së re, pjesë e të cilës nuk do të jetë.
Abdixhiku ka thënë detyra e ministrit ishte privilegj dhe u ka uruar suksese dy ministrave që do të udhëheqin me infrastrukturën përkatësisht ambientin.
“Sot ishte dita ime e fundit në detyrë. Por edhe dita e parë e rikthimit në normalitet. Me këto dyja shumëçka na ka mbetur në gjysmë. Do t’i vazhdojmë mu aty ku na kanë mbet. Detyra e ministrit ishte nder dhe privilegj. Ju faleminderit të gjithëve për mbështetjen e dhënë. Pasardhësve në, tani dy ministritë, u uroj sukses”, ka shkruar Abdixhiku.