Policia e Kosovës ka konfirmuar për Kohën vdekjen e një personi dhe lëndimin e një tjetri si pasojë e rrëzimit të drunjve në rrugën “Vaso Pasha” në Prishtinë.
Policia njoftoi se e lënduara është grua dhe ajo po trajtimin në QKUK.
“Rreth orës 15:15 është pranuar informata se një lis është rrezuar dhe ka zënë dy persona. Policia menjëherë ka dalë në vendin e ngjarjes dhe nga informatat e para janë ngritur dyshimet se njëri nga të lënduarit, mashkull rreth 30 vjeç, ka humbur jetën, përderisa e lënduara tjetër femër, po ashtu rreth 30 vjeç, është dërguar në QKUK për trajtimin e nevojshëm mjekësor”, thuhet në njoftimin e Policisë.
Drunjtë u rrëzuan nga erërat e forta.