Tre persona humbën jetën sot në mëngjes për shkak të një aksidenti në autostradën federale 31 midis Uhldingen-Mühlhofen dhe Meersburg, raporton RTL.de.
Ky aksident tragjik la tre të vdekur që ishin anëtarë të një familjeje dhe dy të plagosur rëndë rreth orës 9 të mëngjesit.
Sipas albinfo.ch, bëhet fjalë për një familje nga fshati Rahovicë e Ferizajt derisa ata po ktheheshin në Zvicër nga pushimet që i kishin kaluar në Kosovë.
Sipas gjetjeve të para të policisë, një 35-vjeçare po voziste automjetin e saj Audi drejt Friedrichshafen. Menjëherë pas Uhldingen, gruaja thuhet se kishte rrëshqitur dhe makina u fut në korsinë e kundërt ku u përplas ballë për ballë me një kamion.
Tutje thuhet se një djalë 12 vjeç dhe një burrë 35 vjeç, të cilët ishin ulur në ulësen e pasme të makinës, u plagosën aq rëndë në përplasje dhe vdiqën në vend. Ndërsa, pasagjeri 18-vjeçar vdiq pak më vonë në spital .
Personi që shkaktoi aksidentin dhe një vajzë 11-vjeçare pësuan dëmtime serioze në aksident. Shoferit iu desh të lirohej nga vetura dhe të fluturojë në klinikë me helikopter.
Gjithashtu, sipas policisë, shoferi i kamionit u plagos lehtë lehtë kurse për shkak të masave operacionale, autostrada federale është akoma e mbyllur plotësisht në të dy drejtimet dhe është vendosur një devijim për trafikun e makinave.