Instituti Kombëtar i Shëndetësisë Publike të Kosovës, ka njoftuar për tetë vdekje nga koronavirus në 24 orët e findit në Kosovë.
IKSHPK në konferencën e fundit kanë kumtuar të dhënat e fundit rreth koronavirusit.
Drejtori i IKSHPK-së Naser Ramadani ka njoftuar për 8 vdekjet brenda 24 orëve të fundit në Kosovë. Gjatë ditës së djeshme numri total i vdekjeve ishte 177, ndërkaq në 24 orët e fundit, numri i vdekjeve ka shkuar në 185.
“Numri total i rasteve pozitive është 7.413 raste nga 34.720 persona të dyshimtë në virusin SARS-CoV-2, me gjithsej 185 raste të vdekjes të cilët kanë pasur sëmundje të tjera shoqëruese’, njofton IKSHPK.
440 personave u janë marrë mostrat nga SHSKUK ku prej tyre kanë rezultuar 276 persona pozitiv me COVID-19.