Presidenti i deritanishëm i SHBA-së, Donald Trump, tashmë është larguar nga Washingtoni, për të shkuar në Florida.
Kjo pasi që periudha e tij në Shtëpi të Bardhë si president ka marrë fund dhe ai nuk do të jetë i pranishëm në ceremoninë e inaugurimit të Joe Biden.
Por një kamion në lëvizje është parkuar në patundshmërinë e tij Mar-a-Lago në Palm Beach.
Presidenti Donald Trump dhe zonja e parë Melania Trump ndaluan pak për të biseduar me mediat ndërsa hipën në Marine One.
Joe Budd, presidenti i klubit të tifozëve Trump Club 45 USA, pret që një turmë e madhe e mbështetësve do ta përshëndesin Trump kur Air Force One të zbresë në Palm Beach International.
Ndryshe, në ditën e fundit në detyrë, Donald Trump ka falur ish-këshilltarin e tij Steve Bannon, i cili po përballej me akuza për mashtrim.
Njoftimi erdhi vetëm disa orë para inaugurimit të presidentit të zgjedhur Joe Biden.
Ndihmësit mbajnë kuti përpara se presidenti i larguar i SHBA-së, Donald Trump të largohet nga Shtëpia e Bardhë.
Trump gjithashtu fali për më shumë se 140 të tjerë në orët e tij të fundit në detyrë.
Bannon, i cili ishte një strateg dhe këshilltar kryesor i presidentit Trump gjatë fushatës së tij 2016, u akuzua në gusht të vitit të kaluar për mashtrim rreth një fushate mbledhje fondesh për të ndërtuar një mur në kufirin SHBA-Meksikë.
Prokurorët thanë se Bannon dhe tre të tjerë mashtruan qindra mijëra donatorë në lidhje me fushatën “Ne Ndërtojmë Murin” e cila mblodhi 25 milionë dollarë.