Presidenti amerikan, Donald Trump, i ka shkruar kryeministrit kosovar, Avdullah Hotit, për të falënderuar për pjesëmarrjen e tij në Shtëpinë e Bardhë.
Në letër Trump shkruan se e vlerëson zotimin Kosovës për të siguruar paqen në Ballkan, njofton Klan Kosova.
“E vlerësoj dhe e ndaj zotimin tuaj të palëkundur për të siguruar stabilitetin dhe paqen në Ballkan dhe në botë. Unë mezi pres të vazhdojmë të forcojmë partneritetin midis kombeve tona dhe u dërgoj urimet e mia më të mira për ju dhe popullin e Kosovës”, shkroi Trump.
“Faleminderit President Donald Trump për kujdesin dhe përkushtimin tuaj për paqe e siguri në Ballkanin Perëndimor dhe në botë. Të rrojë gjatë miqësia Kosovë– SHBA”, ka shkruar Hoti në publikim e letrës.
