Aloe vera është bima e mrekullive jo vetëm sa i përket lëkurës, por edhe të gjithë organizmit.
Kjo bimë e veçantë përmban mbi 200 përbërës biologjikisht aktivë si polisakaride, vitamina, enzima, amino-acide dhe minerale që promovojnë përthithjen sa më të mirë të ushqyesve për të cilat trupi ka aq shumë nevojë.
Për t’i përfituar të gjitha këto vlera ju duhet vetëm të merrni pak nga gjeli i freskët që ndodhet në brendësi të saj dhe ta aplikoni në zonat ku ju dëshironi të shikoni përmirësime.
Gjithsesi në këtë artikull ju tregojmë tre mënyra se si ta kombinoni aloe veran për çdo tip lëkure.
Pra nëse keni lëkurë të thatë, mikse apo me shumë yndyrë lexoni.
Trajtimi për lëkurë të thatë
Për këtë trajtim ju duhen vetëm tre përbërës që mund t’i gjeni lehtë kudo.
1 lugë gjelle gjel aloe vere, 1 lugë mjaltë dhe 1 lugë vaj ulliri.
Përziejini të gjitha këta përbërës në një enë ose me misker në mënyrë që gjeli i aloe veras të shkrihet plotësisht e më pas vendoseni maskën në fytyrë dhe qafë në mënyrë të njëtrajtshme.
Lëreni të thahet paksa e të veprojë për 15 minuta re më pas shpëlajeni me ujë të bollshëm.
Trajtimi për fytyrë mikse
Njëjtë si më lartë edhe për këtë trajtim do ju duhen vetëm tre përbërës.
Në një enë përzieni 1 lugë gjelle gjel aloe vere, 1 lugë gjelle mjaltë dhe gjysmë banane.
Hidhini të gjitha në misker dhe përzieni derisa të formohet një masë kremoze.
Vendoseni atë në fytyrë dhe qafë për 15 minuta e në fund shpëlajeni me ujë dhe sapun.
Trajtimi për fytyrë me yndyrë
Merrni gjelin e aloes në 1 lugë gjelle, përziejeni me 1 lugë gjelle lëng limoni dhe 1 lugë gjelle kos.
Mundohuni të arrini një masë sa më kompakte dhe të gjithë përbërjen vendoseni në fytyrë dhe qafë.
Mbajeni 15-20 minuta e më pas shpëlajeni maskën me ujë dhe sapun./AgroWeb.org