Gjykatësi i procedurës paraprake i Dhomave të Specializuara të Hagës, Nicolas Guillou, ditë më parë e refuzoi kërkesën e mbrojtjes së, Hashim Thaçit, Kadri Veselit, Rexhep Selimit e Jakup Krasniqit për lirim nga paraburgimi, shkruan Gazeta Sinjali.
Siç është bërë e ditur, mbrojtja e të 4-ve e kanë apeluar një vendim të tillë në Gjykatën e Apelit në kuadër të Dhomave të Specializuara.
Mbrojtja e Veselit e ka bërë një gjë të tillë më 1 shkurt, derisa mbrojtja e Thaçit, Selimit e Krasniqit dy ditë më vonë.
Kjo ka bërë që kryetarja e Dhomave të Specializuara, Ekaterina Trendafilova, të caktojë tre gjyqtarë të Apelit të cilët do të merren me shqyrtimin e kërkesës së avokatëve të Hashim Thaçit, Kadri Veselit, Rexhep Selimit e Jakup Krasniqit.
Këta gjyqtarë janë: Judge Michèle Picard, Judge Kai Ambos dhe Judge Nina Jørgensen.
