Ministria e Shëndetësisë e Maqedonisë Veriore raportoi sot për 7 persona të vdekur dhe 89 të infektuar me koronavirusin e ri brenda 24 orëve, nga testimi i 1.529 mostrave.
Në Shkup janë regjistruar 39 raste të reja, Kumanovë-10, Dibër-1, Shtip-4, Prilep-8, Tetovë-1, Strugë-3, Manastir-1, Ohër-4, Kavadar-3, Gostivar-2, Strumicë-1, Kriva Pallankë -1, Koçani-1, Makedonski Brod-1, Pehçevë-1, Berovë-3, Valandovë-1, Delçevë-2, Kërçovë-2.
Ndërkaq kanë vdekur tre pacientë nga Shkupi (72, 84 dhe 65-vjeçar), një pacient nga Prilepi (65), një nga Tetova (62), një nga Gostivari (74) dhe një pacient nga Kërçova (58).
Instituti i Shëndetit Publik brenda 24 orëve ka regjistruar 215 pacientë të shëruar.
Sipas të dhënave të fundit, numri i personave të vdekur me sëmundjen Covid-19 ka arritur në 585.
Që nga fillimi i pandemisë, në Maqedoninë Veriore me COVID-19 janë diagnostikuar gjithsej 14,004persona, prej tyre 10,722 pacientë janë shëruar, ndërkaq numri i rasteve aktive është 2.697./AlsatM