Në Shqipëri viti shkollor 2019-2020 do të mbyllet për shkak të
koronavirusit.
Lajmin e ka bërë të ditur Ministrja e Arsimit Besa Shahini, gjatë një komunikimi online.
Shkollat dhe Universitetet në Shqipëri do të rihapen në shtator ndërsa prej datës 9 mars të këtij viti vijojnë të jenë të mbyllura për shkak të situatë së shkaktuar nga pandemia botërore, Covid-19.
“Ashtu siç ju kam premtuar dua të ju njoftoj sot për vendimin që kemi marrë, për mbylljen e vitit shkollor. Kemi vendosur që shkollën ta hapim vetëm për maturantët, për disa javë”, tha Shahini.
Sipas Shahinit shkollat do të hapen nga 18 maj deri më 5 qershor për maturantët që të përgatiten për provimet e fundit.