Kompania jugkoreane, Samsung, të mërkurën vonë ka zbuluar serinë më të fundit të telefonave Galaxy S25.
Siç pritej, u prezantuan tri modele: Galaxy S25, Galaxy S25+ dhe Galaxy S25 Ultra.
Ajo që është karakteristike për serinë e këtij viti është prezantimi i inteligjencës artificiale Galaxy AI, e cila tani sjell akoma më shumë elementë, integrim më të mirë me pajisjet dhe komunikim pa pengesa.
Karakteristika kryesore e harduerit të të gjithë telefonave të serisë Galaxy S25 të këtij viti është se vijnë me çipin Snapdragon 8 Elite.
Në Evropë, Galaxy S25 pritet të nisë nga 900 euro, Galaxy S25+ nga 1.170 euro dhe Galaxy S25 Ultra nga 1.470 euro.