Cristiano Ronaldo ka reaguar pas eliminimit nga Kampionati Botëror, duke thënë se fitimi i Kupës së Botës ishte ëndrra më e madhe e tij, por që mjerisht në humbjen ndaj Marokut ëndrra ka përfunduar.
“Fitimi i Kupës së Botës për Portugalinë ishte ëndrra më e madhe dhe më ambicioze e karrierës sime. Për fat të mirë kam fituar shumë tituj të dimensionit ndërkombëtar, përfshirë Portugalinë, por vendosja e emrit të vendit tonë në këmbët më të larta në botë ishte ëndrra ime më e madhe”, ka shkruar Ronaldo në rrjetin social Facebook.
Ai ka thënë se ka luftuar shumë për këtë ëndërr, duke kujtuar se në 5 paraqitjet që shënoi në Kupat e Botës gjatë 16 vjetëve, gjithmonë ka qenë në krah të lojtarëve të mëdhenj dhe i mbështetur nga miliona portugez.
“Unë kurrë nuk e ktheva fytyrën nga lufta dhe kurrë nuk hoqa dorë nga ajo ëndërr”, ka shkruar tutje Ronaldo.
Por, tashmë ai është përballur me të vërtetën e hidhur, duke thënë se “mjerisht dje ëndrra përfundoi”.
Ai gjithashtu ka shuar heshtjen e të gjithëve duke thënë se përkushtimi për Portugalinë nuk ka ndryshuar në asnjë moment.
“Nuk ia vlen të reagosh ndaj nxehtësisë. Thjesht dua që të gjithë ta dini se shumë është thënë, shumë është shkruar, shumë është spekuluar, por përkushtimi im për Portugalinë nuk ka ndryshuar për asnjë moment. Unë kam qenë gjithmonë një luftëtar për objektivin e të gjithëve dhe nuk do t’i ktheja kurrë shpinën kolegëve dhe vendit tim”.
Legjenda e futbollit, ka përfunduar reagimin e tij duke thënë se kaq është “tani për tani”.
Ylli portugez ka falënderuar Portugalin dhe Katarin, duke shtuar se “Ëndrra ishte e bukur sa zgjati… Tani, shpresoj që koha të jetë një këshilltar i mirë dhe të lejojë secilin të nxjerrë përfundimet e veta”.
Me humbjen e Portugalisë ndaj Marokut të shtunën, ëndrra e Ronaldos në Kupën e Botës mori fund.
Në atë që është padyshim paraqitja e tij e fundit në këtë turne, numri 7 doli dhe e bëri këtë si zëvendësues duke ardhur nga pankina, pasi u largua nga trajneri portugez, Fernando Santos.