Qendra Klinike Universitare e Kosovës (QKUK), ka njoftuar se ka rikthyer pagesat tek laurat në hyrje-dalje.
Përmes një postimi në faqen zyrtare, QKUK-ja ka bërë me dije se pagesat janë rikthyer, meqenëse pas lirimit të masave, një numër i madh i qytetarëve e kanë shfrytëzuar hapësirat e parkingut edhe pa pasur nevojë.
“Pas lirimit të tyre ka pasur numër të madh të qytetarëve që kanë shfrytëzuar hapësirat e parkingut në QKUK, edhe pa pasur nevojë për kryerje të shërbimeve shëndetësore. Pas normalizimit të shërbimeve shëndetësore, është rritur numri i qytetarëve dhe makinave që frekuentojnë hapësirat dhe parkingjet në QKUK dhe kjo ka vështirësuar qasjen”, thuhet në njoftim.
Ndryshe, në muajin gusht të këtij viti, SHSKUK-ja kishte njoftuar se janë hequr përkohësisht tarifat për hyrje me vetura në QKUK, për shkak të pandemisë COVID-19.