Java e 28-të e Superligës së Kosovës në futboll ka përfunduar dhe kishte disa befasi në rezultate.
Lideri Drita ka fituar në udhëtim te Llapi me rezultat bindës 4-0, për të mbajtur diferencën në katër pikë ndaj Prishtinës.
Në anën tjetër, bardhekaltrit morën fitore minimale 1-0 në stadiumin “Fadil Vokrri” ndaj Drenicës, për të qëndruar në garë për titull.
Fitore të thellë ka shënuar edhe Ballkani, që fitoi në udhëtim te Dukagjini me rezultat 5-1, për të vazhduar në pozitën e tretë.
Vushtrria i ka shkaktuar mjaftë probleme Flamurtari që po lufton për mbijetesë. Shkaku që i mori një pikë në barazimin 2-2.
Kampioni në fuqi, Feronikeli është mposhtur nga Gjilani 2-0, e që gjasat për Evropë për ta tashmë janë shuar.
Drita, Prishtina, Ballkani dhe Gjilani, vazhdojnë të jenë në garë për titull, mirëpo duket se liderët nuk e kanë ndërmend të lëshojnë pikë aq lehtë.
