Kanal 10 ka publikuar ekskluzivisht në emisionin “Prime Time” letrën e plotë që Albin Kurti i kishte dërguar zëvendëspresidentit amerikan Mike Pence, pasi ishte prishur koalicioni qeverisës me LDK-në.
Kurti kishte deklaruar se partitë opozitare së bashku me LDK-në, po mundohen ta prishin qeverinë me qëllim të shkuarjes në zgjedhje.
Sa ishte ende në postin e kryeministrit, Kurti i kishte thënë Mike Pence se Qeveria Kurti kishte larguar taksën 100%, ndërsa kishte ngritur dyshime se ka marrëveshje të fshehtë për shkëmbim territoresh mes Kosovës dhe Serbisë.
Kurti në letrën drejtuar Mike Pence, kishte thënë se Presidenti i atëhershëm i Kosovës, Hashim Thaçi e kishte keq informuar të dërguarin amerikan në Kosovë, Richard Grenell.
