Kryeministri i Shqipërisë, Edi Rama ka treguar se pse ai dhe homologu i tij nga Kosova, Albin Kurti u ulën të ndarë në stadium kur u zhvillua ndeshja Shqipëri – Çeki.
Rama e cilësoi çështje protokolli, duke shtuar se nuk kishte qenë në dijeni se Kurti do të ishte në Tiranë atë ditë.
“Unë nuk merrem me organizimin e protokollit, unë kisha tre vendet që kisha vetë, dhe vajta u ula në 3 vendet që kisha vetë, dhe në ndërkohë në atë boksin e veçantë, se pastaj pyeta dhe unë… në boksin e veçantë ishte jo vetëm Albini, por edhe një pjesë e anëtarëve të qeverisë së Kosovës, ishte zv.kryeministri i Maqedonisë së Veriut, ishte dhe zv.kryeministrja jonë me të tjerë…kjo besoj s’është pyetje për mua, sepse unë kur shkoj në Kosovë i njoftoj të gjithë, kush më pret, kush s’më pret, nuk ka problem”, ka deklaruar ai në Tv Klan.