Zyra e prokurorit të lartë publik në Serbi ka thënë se është duke kryer hetim lidhur me rastin e 24 shtatorit që ndodhi në Banjskë të Zveçanit.
Nga kjo zyrë për N1 kanë konfirmuar se janë duke mbledhur dëshmi ndaj organizatorit kryesor, Milan Radoiçiq por edhe të tjerëve.
Zyra e prokurorit i akuzon ata për “kryerje të veprimeve që kanë pasur qëllim kryerjen e veprimeve kriminale, posedim, bartje e municionit dhe substancave ekskpozive”.
Kur ka kaluar një muaj e gjysmë prej rastit të agresionit, Radoiçiq është intervistuar nga prokurori në Beograd, pak ditë pas rastit, kur u identifikua nga autoritetet e Kosovës se ka qenë organizator dhe pjesëmarrës i sulmit në Banjskë.
Më 3 tetor ai ka mohuar akuzuat e ngritura ndaj tij, por që ka pranuar se ka qenë në Banjskë. Gjithashtu një ditë pas është refuzuar edhe një kërkesë që ai të mbahet në paraburgim.