FC Prishtina ka arritur marrëveshje me trajnerin e njohur kosovar, Arsim Thaqi, pas largimit të Jean-Michel Cavalli.
Prishtina njoftoi para pak orësh se kanë ndërprerë bashkëpunimin me Cavallin, ndërsa Paparaci mëson se “bardh e kaltrit” kanë arritur marrëveshje me trajnerin e ri.
Sipas burimeve brenda klubit, Arsim Thaqi do të drejtojë Prishtinën deri në fund të sezonit.
Thaqi është shkarkuar para katër ditëve nga Drenica, ndërsa pritet që menjhërë të nis punën me klubin më të trofeshëm në vend.
Kur kanë mbetur edhe nëntë xhiro drejt fundit, Prishtina ndodhet në pozitën e pestë në tabelë me 35 pikë, 25 pikë më pak se lideri, Drita.
Me drejtimin e Cavallit, Prishtina arriti vetëm një fitore në 12 ndeshjet e fundit.