Presidentja e Kosovës, Vjosa Osmani, ka pasur sot takime me ministrin e Brendshëm, Xhelal Sveçla, drejtorin e Policisë së Kosovës, Samedin Mehmeti, drejtorin e AKI-së, Petrit Ajeti, ministrin e Mbrojtjes, Armend Mehaj, shefin e Misionit të EULEX-it, Lars Gunnar Ëigemark dhe komandantin e KFOR-it, gjeneralmajor Franco Federici, për të diskutuar për situatën aktuale të sigurisë.
Osmani gjatë takimeve ka thënë se Kosova nuk po e provokon situatën e situatës, dhe se Policia e Kosovës po e ruan sigurinë e të gjithë qytetarëve në veri. Ajo e ka vlerësuar lart punën e Policisë së Kosovës.
Osmani i ka bërë thirrje bashkësisë ndërkombëtare t’i kundërvihet përpjekjeve të Serbisë për destabilizim të rajonit.
“Në këtë kontekst, Presidentja Osmani ka përsëritur qëndrimin e saj se Serbia është burim i destabilizimit në rajon, duke ftuar Bashkësinë ndërkombëtare t`i kundërvihet përpjekjes së tillë, sikurse edhe diskursit nxitës, i cili burimin nuk e ka vetëm në Serbi, por edhe në Rusi”, njofton Presidenca e Kosovës.