Për ditën e premte është thirrur një protestë përmes së cilës synohet shkarkimi i Ambasadorit të Kosovës në Francë, Qëndrim Gashi.
Është Muhamed Kajolli ai i cili ka bërë thirrje në emër të grupit që organizon këtë protestë për grumbullim para Presidencës së Kosovës.
“Sjellja e tij është bizare dhe tendencioze. Ai nuk meriton të përfaqësohet në lagjen e tij e lëre më ta përfaqësojë Kosovën”, thuhet në njoftim.
Kërkesa për shkarkimin e Gashit vjen pas shpërndarjes që ai i bëri në rrjete sociale një karikature të Profetit Muhamed.