Të bësh një sy gjumë nuk mjafton.
Gjumi i mirë mbi 7 orë të jep qartësi në të menduar, reflekse të shpejta, humor të mirë dhe organizëm më në formë.
E megjithatë, gjumi nuk vjen sa hap e mbyll sytë dhe ata që arrijnë të flenë menjëherë na duken si “jashtëtokësorë”.
Gjatë ditës, kur përballemi me dilemat e ushqyerjes, harrojmë të shqyrtojmë rolin e ushqimeve tek gjumi.
Fundja, gjatë ditës, ai na duket shumë i largët.
Më poshtë do të mësoni për ushqimet që duhet të konsumoni dhe nuk duhet të konsumoni për të fjetur mirë.
Ushqimet më të mira që të vënë në gjumë
Bananet
Bananet përmirësojnë gjumin sepse përmbajnë magnez dhe kalium, dy minerale që qetësojnë muskujt.
Bananet përmbajnë edhe karbohidrate që nxisin gjumin.
Qershitë
Qershitë janë të paktat burime natyrale të melatoninës, substanca kimike që ndihmon të kontrollojë orën e brendshme të organizmit.
Pirja e lëngut natyral të qershisë ofron përmirësime të vogla në kohëzgjatjen dhe cilësinë e gjumit, tek njerëzit që vuajnë nga pagjumësia kronike.
Qumështi
Një gotë me qumësht përpara se të flini gjumë rekomandohet nga të gjithë ekspertët.
Qumështi përmban tryptophan, një aminoacid i nevojshëm për qetësinë dhe gjumin.
Drithërat e pasuruar
Karbohidratet në veçanti janë të mira për gjumin.
Provoni drithëra të pasuruar me qumësht ose bukë elbi.
Patatja e ëmbël
Patatja e ëmbël përmban karbohidrate komplekse që promovojnë gjumin por edhe kalium që qetëson muskujt.
Ushqimet më të këqija për gjumin
Sallamë dhe salçiçet
Përmbajtja stratosferike e yndyrës në këto ushqime mban larg gjumin.
Yndyra stimulon prodhimin e acidit në stomak dhe urthin dhe ju lë pa gjumë.
Vera
Alkooli është i tmerrshëm për gjumin.
Ai metabolizohet shpejt në sistem dhe nxit zgjimin disa herë gjatë natës.
Për më tepër, alkooli përkeqëson gërhitjen
Kafeja
Kafeja përmban kafeinë që stimulon sistemin nervor qendror.
Nëse pini kafe në mbrëmje nuk do të jeni në gjendje të flini mirë natën.
Pijet energjike
Pijet energjike përmbajnë shumë kafeinë dhe duhen shmangur edhe nëse synoni t’i pini paradite.
Në shumicën e rasteve, kafeina tek pijet energjike kërkon të paktën tetë orë për tu metabolizuar./agroweb