Imami i Xhamisë së fshatit Bubavec, Mulla Xhevat Kryeziu, i cili ka një jetë të tërë në shërbim të kombit, duke qenë ushtar i pajtimit të gjaqeve dhe tolerancës ndërfetare, është dekoruar me dekoratën Misionar i Paqes në Botë nga Misioni Diplomatik i Organizatës së Kombeve të Bashkuara dhe të NATO-s në New York, shkruan Gazeta inFokus.
Në një prononim për Gazetën inFokus, Mulla Xhevat Kryeziu, ka thënë se do t’i mbetet besnik deri sa të ketë frymë misionit për pajtim të gjaqeve dhe tolerancës ndërfetare.“Ky dekorim është edhe një motiv shtesë që ti mbetem ushtar besnik misionit për pajtimin e gjaqeve dhe tolerancës ndërfetare, sepse kjo është trashëgimia më e mirë që kemi, kjo është vlera më e mirë që kemi, andaj edhe angazhimi im në këtë drejtim do të jetë i pakursyer deri sa të kem shendet, e sa ta kem frymën”, ka thënë për Gazetën inFokus, Mulla Xhevat Kryeziu.
Mulla Xhevat kryeziu është ndër të parët që i është bashkuar lëvizjes për pajtimin e gjaqeve, e udhëhequr nga plaku i urtë e i mençur, Anton Çeta. Veprimtaria e tij ka fillaur qysh në fillim të vitit 1990 dhe vazhdon tash e tri dekada pa u ndalur. Mulla Xhevat Kryeziu është një njeri atdhetar e i palodhur në shërbim të kombit dhe popullit./Gazeta inFokus/
