Ministri i Arsimit dhe Shkencës, Ramë Likaj, ka njoftuar se ka rezultuar pozitiv në testin për koronavirus.
Ai ka thënë se ndihet mirë dhe se punën do ta vazhdojë nga shtëpia.
“Tejkalimin e kësaj sfide po ma lehtëson kujdesi i familjes dhe interesimi i miqve dhe dashamirëve të cilët i falënderoj. Shpreh mirënjohje për punonjësit shëndetësorë të cilët edhe pse të stërngarkuar me punë, duke u ballafaquar me rrezikun ndaj shëndetit, po punojnë me zell dhe përgjegjësi për qytetarët e Kosovës. Virusi është realitet dhe kërkon vetëdije të lartë qytetare, prandaj, ju lutem kujdesuni për shëndetin tuaj, të afërmve tuaj dhe të gjithë njerëzve. Vetëm të bashkuar në respektim të masave për mbrojtje nga COVID-19 ja dalim ta fitojmë luftën me virusin, ndihmojmë punonjësit shëndetësorë dhe i kontribuojmë shtetit tonë!”, ka shkruar Likaj në një postim në Facebook.
Të martën, ishte ministri i Bujqësisë, Besian Mustafa, që kishte njoftuar se ka dalë pozitiv në testin për COVID-19.