Presidenti i Shqipërisë, Ilir Meta, në një intervistë në News24 deklaroi se nëse kryeministri Rama fiton mandatin e tretë në zgjedhjet e 25 prillit, do të japë dorëheqjen.
“Në këtë tokë Zot është populli i Shqipërisë, pikë! Mori Edi Rama 71 mandate? Unë më 26 prill do të jap dorëheqjen, kaq do ta bëj, siç bëri Ramiz Alia. Nëse ai merr 71 mandate, pa prekur votën e popullit, unë do të jap dorëheqjen dhe unë do të kaloj në opozitë, sepse unë respektoj demokracinë. Ama nëse preket një votë e lirë e shqiptarëve, këtu historia mbaron. Nuk më intereson fare, unë besoj te vota e lirë dhe demokracia”, u shpreh Meta.