Numri i familjeve me asistencë sociale ka rënë në muajin mars, krahasuar me muajt paraprak të këtij viti. Sipas të dhënave të Agjencisë së Statistikave të Kosovës (ASK) në mars të këtij viti janë 17.422 familje të cilat kanë përfituar nga skema e ndihmës sociale. E që është një rënie e lehtë krahasuar me muajt paraprak.
Sipas të dhënave të Agjencisë së Statistikave të Kosovës (ASK), gjatë muajit janar të vitit 2025 janë 17.940 familje, përfitues të ndihmës sociale. Ndërkaq gjatë muajit shkurt të këtij viti numri i familjeve me asistencë sociale ishte 17.765. E Në janar numri i familjeve me asistencë sociale ishte 17.940.
Me numër më të madh të familjeve me asistencë sociale dhe në mars të këtij viti, vazhdon të jetë Mitrovica me 1 mijë e 745 raste, pasuar nga Vushtrria me 1.061 raste.
E pas Mitrovicës dhe Vushtrrisë, numër më të madh të familjeve me asistencë sociale, ka komuna e Gjakovës me 976 raste. Pas Gjakovës vjen Lipjani me 915 raste si dhe Peja me 860 raste dhe Prishtina me 841 raste të familjeve me asistencë sociale.