Deri tani në Komunën e Vushtrrisë janë shënuar gjithsej 741 raste me koronavirus, derisa në 24 orët e fundit janë shëruar edhe 5 persona.
Drejtori i Shëndetësisë në këtë komunë, Sylejman Meholli, për Gazetën Sinjali tha se numri i rasteve aktive me koronavirus ka arritur në 117.
“Sot janë shëruar edhe 5 persona si dhe janë konfirmuar dy raste të reja me koronavirus”, tha Meholli.
Numri i të shëruarve në Vushtrri ka arritur në 594, ndërsa numri i personave që kanë humbur jetën nga ky virus është 30.