Nënkryetari i LDK-së, Lutfi Haziri, ka folur për çështjen e presidentit pas skadimit të mandatit të Hashim Thaçit.
Ai në emisionin Debat të RTK-së ka hedhur poshtë mundësinë që të jetë kandidati i LDK-së për këtë post.
“Jo, në asnjë mënyrë. Nuk është diskutuar, as nuk e kam menduar. Derisa nuk ka konfirmim të aktakuzës, presidenti mban detyrën. Nëse ka dinamikë të re nga Specialja, Kosova shkon detyrimisht në prag të zgjedhjes së presidentit”, u shpreh Haziri.
Sipas tij, presidenti i ri i vendit duhet të jetë kredibil dhe i paanshëm.
“Unë jam për një president kredibil. Presidenti duhet të marrë votat në Kuvend, të jetë i paanshëm dhe të ketë qëndrueshmëri politike në kryerjen e detyrës politike”, ka thënë Haziri.