Kryeministri Avdullah Hoti ka pritur në takim Përfaqësuesin e Posaçëm të BE’së për dialogun Kosovë-Serbi, Miroslav Lajçak.
Emisari i BE’së Lajçak i shoqëruar edhe nga Shefi i Zyrës së BE’së në Prishtinë, Tomas Szunyog janë pritur në ndërtesën e qeverisë nga Shefi i Ekzekutivit.
Takimi mes Hotit dhe Lajçak pritet të zgjatë përreth një orë, kurse sipas agjendës së diplomatit sllovak në 17:30 ai do ta takojë edhe kryetaren e Kuvendit, Vjosa Osmani.
Çështja kryesore që pritet të diskutohet në takimin mes Hotit dhe Lajçak është Asociacioni i komunave me shumicë serbe, arsye kjo që ka ndërprerë bisedimet mes Kosovës dhe Serbisë.