Kandidati për kryeministër nga Lëvizja Vetëvendosje, Albin Kurti ka thënë se partitë tjera në garë duhet ta zgjedhin një përfaqësues nëse duan të dalin në debat me LVV-në.
Ai tha se ky është një referendum ku në njërën anë është ai me Vjosa Osmanin, ndërkaq në anën tjetër janë partitë e tjera.
“Kështu, së parim, ne e bëmë koalicionin parazgjedhor, edhe e identifikuam saktë që zgjedhjet janë referendum. Në anën tjetër kishim planin që ka disa linja. Për të dalur në debat para referendumit duhet një përfaqësues i klanit. Ky është referendum. Në njërën anë jemi presidentja dhe unë, e në anën tjetër janë ata. Ata po operojnë në shumë linja, por janë bashkë. Ata le ta nxjerrin një përfaqësues dhe e bëjmë debatin”, tha Kurti.
https://www.facebook.com/plugins/video.php?height=314&href=https%3A%2F%2Fwww.facebook.com%2Ftelegraficom%2Fvideos%2F459554425215397%2F&show_text=false&width=560
I pyetur konkretisht për insistimin e Enver Hoxhajt të PDK-së për debat, Kurti tha se mendon se PDK-ja ka problemin për zgjedhjet e brendshme.
“Unë mendoj se aty është një diçka tjetër, ata e kanë problem me atë ish-kryetarin e Skenderajt për zgjedhje të brendshme në atë parti”, tha Kurti.